ايّووووه

ايّوه يامنوة خفوقٍ تعنّا
عجّل عليّه بالمواصل انا فداك

واقطع فراقٍ جار بيّ و تجنّا
ولبّي ندا وقتٍ تباطا محيّاك

خمسه وخمسه وأربعه فوق منّا
وباقي حسابٍ والمعاليق تنخاك

لو شفت وش يحصل فيومك تونّا
والله لتلعن لين بكره سواياك

الصمت يذبح والحكي يبري علّه
غرّد عسى يشفي عليلي في مغناك

غرّد وغرّد لين ما الصوت غنّا
غنّا يقول انه مابالناس شرواك

الناس تحسب عمرها يوم جنّا
وانا احسبه من يوم عيني تورّاك