عطشان شوفك

عطشان شوفك والضمى يشقيني
والحال مبطي ما تحوفه بلّه

والوسم عدّا والهوى يلفيني
وما لاحلي غيمٍ ينومس ضلّه

يامهدي الجفوه ترى يكفيني
تبيح قتلي بالهجر وتحلّه

ليه الجفى وانا الوفى مخاويني
وما جاك مني يارجاي الزلّه

الشوق كبوه والشقى طاويني
ما كيّف المزاج بنّ ودلّة

مازان لي بنٍّ ولا يغنيني
عن كيف فنجال اللقى والطلّه

ياللي منعتوا من بغيته عنّي
والذنب للمخطي وهو يشتلّه

حاسب من اللي فالخطا متجنّي
حاسب على مالله شرع والملّه