ياخوي

ياخوي صوّتلك من حرّ ماواجه
والنفس مفضوحة وبانت مساعيها

أبطت كتومه تدسّ الضوء واسراجه
وان دسّها الليل تظهر في عصاريها

وانهدّ فيها سوار الصمت واسياجه
وجيش اللهايد يسلّي خاطره فيها

وتنوح سكانها فالليل لجّاجه
والصبح ذود الشقى يرعى باراضيها

ياخوي لولا الهوى والشوق والحاجه
ما كنت احسب الليالي وش تواليها

ياخوي شفت العرب فاليوم هجّاجه
والضيق يرعابها والغبن داعيها

من لامهم . فالخطا دربه ومنهاجه
ومن وافق أحوالهم بالظلم جازيها

قفّوا وانا مبحرٍ فالصبر وأمواجه
والحاجه اللي تعلّ النفس مخفيها

للصبر طاقه وأنا صبري سقط تاجه
وش حال قومٍ يطيح اليوم حاميها

ياخوي كان الخبر للشين مدراجه
بيحه وأنا بكتم الحاجه ولا اطريها

وأمنتك الله اذا دعيت للزواجه
هات الخبر لجل أسوق اقدامي واجيها

نذرٍ عليّه تشوف النار وهّاجه
واسوق لجله دلالٍ فاح شاذيها