ذكرى المحبين

ما فيه جمعاً ما يجي بعدها فراق
لابد ما يلحق من الوقت فرقا

ومن لا قطف من فرصة الوقت مالاق
تبطي عيونه تشكي الدمع غرقا

وراع العشق لاحل طاري العشق ضاق
خصن ليا غنت على الغصن ورقا

تجيه ضيقة صدر وتشين الاخلاق
وده على كل الطويلات يرقا

واليا هدى باله ومن ضيقته راق
يلوح له من طاري الشوق برقا

دايم على ذكرى المحبين مشتاق
والشوق يحرق مهجة القلب حرقا

والحب تحييه المشاعر و الاشواق
والله جعل بين المخاليق فرقا

ولو تابس عروق الوفاء يبس الاوراق
يبقى لها في نبض الاشواق عرقا

والحب له بين المواليف ميثاق
معروف عند الخلق غربا و شرقا

واللي من دروب الهواء جرب وذاق
ما تاب لو من فوق راسه يعرقا