نسيم البحر

يابنت ياللي عُيوني من غيابك غدنّ جياع   
..رحتي تشمّي نسيم البحر/ واختنْقت الحارة
اليا وقفتي على شط البحَر.تفتنين القاع
...ويصيدك اللول والمحّار / والموج سنّارة
البحْر كنه جسدْك الممتلي فتنةٍ  وخداع    
... وعيونك النورسين .. وقلبك الصلب محّارة
جسدْك غدار مايشرع به الا طويل الباع 
...سبّاح لو غاص يخرج من فم البحْر مسماره
والنورسين/ الجمال اللي خطف نظرة الملتاع 
.. تطير فوق البحر.. ويلملم الشاعر افكاره
ودّه يطب البحر من دون مركب ودون شْراع    
.. ويصيد محّاره ...ويدفن في اعماقه اسراره