وصلك وهجرك

بيتٍ كتبته قبل فترة طويله
الياقريته كنّه اليوم مكتوب

وصلك وهجرك كلّهن من فصيله
يعني على الحالين منكوب منكوب

القلب لايقنع ولافيه حيله
بالذات لامنّه سكن فيه محبوب

والمشكله بيني وبينه قبيله
أسلوبهم (نوب الزعل والرضا نوب)

أصل التفاهم واكتساب الجميله
اسلوب والعشّاق كلٍٍّ له اسلوب

صح الحياه بلا خطا مستحيله
بس التفاهم بين الاحباب مطلوب

ان كان باقي للتفاهم وسيله
تعال واسكبلي من الودّ مشروب

لاتترك العدله وتختار ميله
دام الجفا مكروه والوصل مرغوب