الحظ قسمه

الحظ قسمه والاماني مناديب
وكم حاجةً خاب الامل في رجاها

هذا ونا ماني كثير التحاسيب
على حياةٍ ما جذبني هواها

شبنا ومنها علمتنا التجاريب
ان الحياة مسيره في عطاها

لكن لا منه طرا طاري الطيب
ذكرت ذكر الطيبين بنباها

من ربعنا والا لو انهم اجانيب
البير يذكر جمها من رواها

والطيب عند اللي يعرف المواجيب
اللي مواجيب العرب ما نساها

رجلً يطوع كايدات المشاريب
ساق المراجل لين وقف مداها

خفيف نفس و عاشقاً للتراحيب
مهوب في المنصب وجاهه تباها

رجلن يدينه للمراجل مقاضيب
فزعته لوجيه العرب ما كناها

هذا و مثله مدحنا يمه مصيب
في مدحهم نفسي تحقق مناها

ما استمع لملحقين المشاهيب
اللي مديح الطيب يبحث خفاها

اهل الحجج و ملفقين الاكاذيب
مني تموت و ما لقت مبتغاها

حنا نعرف مدورين العذاريب
الخايبين اللي ضعيفن جداها

اللي لها عن وقفة الطيب تجنيب
مهيب في الشدات يذري ذراها

لو كبر منصبها عن الفزعه تغيب
الضعف عن درب المراجل حداها

حفاظةٍ للمال ما هابت العيب
بتموت ما جينا ندور رضاها