راعي الطيب

اليا نصيت مدور الطيب ما جود
رجل (ن) ونفسه للمراجل هداها

مغبوط من ناسن ومن ناس محسود
واهل الردى تحسد وهذا جداها

و‏الله يبارك في هل الطيب يا سعود
اللي على الشده بعيدا مداها

يا جعلهم يا سعود من زود في زود
خير من ناس(ن) كثيرن رداها

ماني عليها يا بيض الوجه محدود
لو كثٓرت اهل المصالح احداها

من عرفهم ما فيه زود(ن) ولا فود
وانا مجيها لو وصلني نداها

ما تنمدح ما دام ما تكسب الجود
ماهي خساره لو كسبنا اعداها

مدحي لها ياسعود عيب(ن)ومنقود
الصايبه تعرف ويعرف قداها

والكلمه اللي ما يجي منها زود
يندم عليها الرجل لا من بداها

الرجل من كلمته يمسك ومنشود
ان ما حفظها ما يسره صداها