زمان التقنيه

يقولون في عُرف العرب والعلوم اشمام
ترى جمعة اهل الفكر بالفكر محموده

تنشط بها الافكار و ترجم الاقلام
يومن القلم هيبته بالطرح ماجوده

لكن القلم من واقع اليوم صام ونام
بعد شاب فكر اليوم و ختل مردوده

غزانا زمان التقنيه واكشن الاعلام
يثير المشاكل ويتخلى عن الجوده

ماهي مشكلتنا العام واللي تبيع العام
لنا حقبةً في الوقت بالضعف مقصوده

تعيف العقول الصدق وتردد الاوهام
ولاعاد راع الجهد يقنع بمجهوده

قريب الحم والدم في هالزمن منضام
سيوف الحرابه للقرابات مجروده

ياكثرالحسد والفسق مع كثرت الانعام
اليا زاد خير العبد ما يشكر لزوده

عطاه برياء مافيه برّن وصل ارحام
قريبه فقير وما لقى الخير من جوده

عشان المنافق ياصفه فالزمن مقدام
كريم(ن) ويده مع هل الخير ممدوده