التقييم
‏يقني المعروف كساب الجميله
والردي ماله مع اهل الطيب همه
سود الله وجه من ضيع جميله
اشهد انه يا وجيه الخير رمه
من يعشق الطيب ماعدم الوسيله
من بغى لطيب يرقى كل قمه
الكريم معان والمولى وكيله
الكرم من خلقته يمشي بدمه
وردي يبقى ردي ما فيه حيله
المراجل من رداته ما تهمه
ليت مثل عبيد معدوم الفصيله
دام ما شرف نسب خاله وعمه
يابو عبدالله ترى في الوضع عيله
عيلة اللي ما حفظ جاه ابن عمه
منكر المعروف حذرا لا تجيله
مانبي ذالخير كان الخير يمه
عقب فيصل نحسب عبيد العقيله
مير لا فيصل ولا عبيد اخو شمه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2017 - موقع الشعر