ياليت ما شرفت راس الوريعه
ولا جيت مرحانه جنوب احرباتي
وقفت به وضاقت علي الوسيعه
وجريت صوتي وسابقته اعبراتي
قاعن خلا تذري الهبايب بريعه
مرحوم يا حين سكنها وماتي
اصحين ابن زياد ريفه نجيعه
فيه الكرم والطيب متعادلاتي
موته عليهم من كبار الفجيعه
وما يكتب المولى على العبد ياتي
اقولها في صدق ماهي خديعه
وادعيله الرحمه في وقت الصلاتي
من راح راح ولا ترجى رجيعه
والموت حق ولو تعيش الحياتي
حقوق النشر محفوظة لـشاعر
تعليقات الزوار
- كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
- بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
- إدارة موقع الشعر لا تتابع التعليقات المنشورة او تقوم بالرد عليها إلى نادراً.
- لتواصل مع ادارة موقع الشعر إضغط هنا.
