على ذكراك هليت القصيد اللي يسليني - يزيد مزيد المطيري

نويت ولا قويت أني بعد فرقاك أبي أنساك
صبرت ولا قدرت ومل صبري ودمعت عيني

على فرقاك ياخلي تجاوب دمعتي لرضاك
وعلى ذكراك هليت القصيد اللي يسليني

وأنا لولاك ماقلت القصايد كلها لولاك
ولا جريت صوتي بااللحون اللي تبكيني

وأنا لولا غلاك بداخلي ماكان شعري جاك
مع اللي يحفظون السر من بين المحبيني

مراسيل الغرام اللي معاهم سر مايخفاك
يعبر عن مدى شوقي وكل اللي جرى فيني

حبيبي منت ناسيني وأنا والله مااجفاك
لكن حسبي على اللي حال مابينك ومابيني

تقولين الظروف القاسيه وأقول بستناك
على أخر نفس فيني ولكن لاتخليني

وأنا بمشي ولو كانت دروبي كلها أشواك
على شانك ابا دوس الخطر وامشي برجليني

وبدعي ربي المعبود يجمعنا أنا وياك
وعسى ربي يفرجها واحط ايديك بيديني

© 2024 - موقع الشعر