بديت بسم الله المعبود رب الأنام
اللي عليه أتكالي في جميع الأمور
يالله يالله جملنا مع أهل المقام
واحفظ لساني عن الزلات في كل دور
الليله الليله الحفله عليها الكلام
والشعر من شاعرٍ يغوص سبع البحور
يامرحبا عد ماهلت مزون الغمام
يامرحبا بالحظور وباجتماع الحظور
يامرحبا ياهلا والنور يجلا الظلام
تشريفكم حفلنا زاد الفرح والسرور
حياكم الله على طيب وكرم يالكرام
عند اللي بوقفته لامن وقفها مخبور
أبو فهد بالكرم والطيب والاحترام
متصدر المركز الاول ونعم الصدور
الضيف يلقى الحفاوه منه والاهتمام
كريم سبلا يحل معقدات الامور
أنا اشهد انه كفو لامن تحيزم وقام
وانا اشهد انه لنا درع وحصانه وسور
عمي جهز زايد حميدان نسل الحشام
اللي علوم المراجل فيه ابد ماتبور
من روس قومٍ لهم بالمجد ذروه سنام
كسابت النعم وافين الكرم والشبور
جعافره من مطير العز واهل الجهام
افعالنا وافيه من ماضيات العصور
واهني المعرس المطنوخ قبل الختام
في ليلة(ن) يسعد الاجواد جمع الحظور
جعله يوفقك ويهنيك رب الانام
وجعله يجنبك يامنصور كل الشرور
وصلات ربي عدد ماهل وبل الغمام
على شفيع الخلايق في نهار النشور
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.