نهر دجله

قمْ غن لي يا نديمي كل طرقٍ يليق
أبزعج الصوت واغنيه لاخر مدا

وخل القلم والورق ، يا ذا اللسان الطليق
ما عاد لك غير صوتي باللحن و الصدا

لو أن كثر الغنا يبري صوابن عميق
ما جزت عن جر صوتي لين اصَج العدا

لكنّ ما هو ب مجدي ، منك كثر الزعيق
يا كم ليالن غدت فالبوح راحت .. فدا

فيك البوابير تدرج من سعه ما تضيق
نوبن هجيني ونوبن مع بحور الحدا

مدري عن المقبله ، لكنّ عساها تليق
بمقادح الروس ، يا راسن تضد العدا

ناسن تعلت رتبها في علو الطريق
نمشي على نهجها والميّل عنها ، بْدا

اخاف قولة رماده عقب كانت حريق
النار زدنا حطبها والجمر .. وقّدا

واللي لميقاف ربعه : بالوفا ما يطيق
سيفن رقد في جفيره بشره بالصدا

لا صار ما له وسوم في خصوم الرفيق
وش لي بعدة غشيم ما وراها جدا

لو الشواطي وفت : ما مات فيها غريق
ولو الليالي صفت ما باان فيها الردا

اللي على نهر دجله بات ما بل ريق
يبسن الارياق ما يرويه قطر الندا

ل / فهد المنصوري الدقيس