يا اغلى الناس

تكفين يا اغلى الناس لاتعذليني
 
ماني على ماريد قلبي امشيه 
 
ولا ترفضين بيوم لي تسمعيني 
 
ان كان لي بالقلب قدرٍ حفظتيه
 
وليا نخيتك صدق لاتخذليني
 
لاتتركينه سري لغيرك اعطيه
 
لون قلبي تملك امره يديني 
 
لا ماسمعتي شوق قلبي اغنيه
 
خلٍ رحل يوم ان زرع حب فيني 
 
لاتحمليني بالخطا يوم انا اغليه
 
وليا شكيت الهم هم اعذريني
 
ماعاد يمدي قلبي اليوم يسليه
 
كل الغلا والحب له يحتويني
 
له قدر عن كل الخلايق يعليه
 
وله طيف أشوفه كل ماغض عيني
 
بين الرجاء والياس قلبي مخليه
 
يمكن له اسبابه ويمكن يجيني
 
ويمكن يموت القلب ما شاف غاليه 
 
يكفيني لحضه بس مر بسنيني
 
ويكفي أعيش بكون هو عايشٍ فيه