لبيه يا اغلى من يمر السراجيف - هادي الرزقي

ياناسيٍ عنّي وانا بانتظارك
حبل الرجا هبت عليه العواصيف

حلمت بالجنّه وانا وسط نارك
والحلم مايجمع قلوب المواليف

لليوم والقطب الشمالي مدارك
وانا ولفحات السمايم على السِيف

الليل همّي والسعاده نهارك
وارجوك رجوى البدو مزنٍ مراديف

واناادري ان طيفي مع الحلم زارك
لو كان ماوضحت لي بالسواليف

وانا ادري ان الهجر مبدا قرارك
واصدقك لو قلت ماجت على الكيف

وان قلت تعذيبك مهو باختيارك
قلت العذاب من الثمان المراهيف

والاّ انت والله قابلين اعتذارك
في خافقي صرت المعزّب وانا الضيف

يامن على هجري تغذّي مهارك
اهجر مادام اعروق قلبي ملاهيف

واجرح ترى جرحك يزيد اعتبارك
وطعناتك اغلى من يمر السراجيف

تمت الاضافه بواسطة :
سالم الفروان

© 2024 - موقع الشعر