يحن قلبي واجي ولهان ل عيونك
مشتاق وآآموت من شوقي واغني لك
 
إيه أعشقك والمحبّه ويش من دونك
إيه أعترف إنّي أبحث عن تفاصيلك
 
من غيرتي مابي العالم يشوفونك
ودي أنا بس من ينظر ويحكي لك
 
ولابي بعد كل من حولك يحبونك
أغار من حبّهم من كثر حبي لك
 
انتي حكايه وآخاف الناس يقرونك
وأكبر فخر انّك الأولىى على جيلك
 
لو غاب صوتك وسكرتي تليفونك
ما غبتي لو ثانيه عن قلب صافي لك
 
ولو طال بعدك عيوني ما يخونونك
دموعها من شعور الحب توفي لك
 
في كل ليله حروف الشّعر يبكونك
تذرف من الحزن ما يملي مناديلك
 
قلبي عقب ما رحلتي تاه بطعونك
يسهر على صوت جرحي لا بدا ليلك
 
حتى المشاعر من الاحزان يشكونك
وما يبري الجرح الّا من مواصيلك
 
شوفي بعد غيبتك وشلون مظنونك
ما عاد يقدر عقب هذي يعدي لك
 
مشتاق لك حيل جعل الناس يفدونك
ومن بين كل الخلايق جيت عاني لك
 
هذا خفوقي عقب ما صرت مجنونك
كل ما تذكر طعونك قام يدعيلك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر