يالله اني طالبك

لـ يزيد مزيد المطيري، ، في غير مُحدد، آخر تحديث

يالله اني طالبك - يزيد مزيد المطيري

يالله أني طالبك تغفر ذنوبي كلها
دقها مع جلها يارب وارحمنا جميع

ويالله أنك تستجيب لدعوتي في حلها
يارحيم وياغفور وياودود وياسميع

الحياه بدون ذكر الله أكيد نملها
مانعيش الا بضيق وحزن والهم الفضيع

وبالنهايه حفره(ن)كل البشر تنزل لها
مايعرف الموت شايب او شباب(ن)او رضيع

ودام كلن ماشي(ن)منها لابد نفلها
بطاعه اللي له نطيع وغير ربي مانطيع

من صيام ومن زكاه وصلواتك صلها
يابني أدم وتلقى لك قبول ولك شفيع

وعود النفس بوصال أرحامك وتاصل لها
وأبشر بطول العمر والخير والقدر الرفيع

لاتصير أنسان جاهل والدروب أدلها
أتضيع في دربٍ ودربٍ لامشيته ماتضيع

والدروب اللي تودي للمعاصي خلها
لو فيها خير كان بها القصيده ذي نذيع

مانذيع الا نصيحه تنفعك وافطن لها
كان تبغى الجنه أبذل مابوسعك للبديع

أستغفر الله وأذكره من كل كلمه تزلها
كلنا نخطي وخير امن الخطا توبه سريع

© 2024 - موقع الشعر