كعبة المحبة

طرٌف الليل العتيم وشدّني صوتٍ عسير
جدد افكاري وبسم الله واسري ياقلمي

صوت من هي من على الحسنات رتبتها وزير
لامشت حتى البدر ضيه يخف ويظلمي

قلت من هي صاحت الاشواق ياشاعر اثير
جادلٍ زين العذارى في جسدها منتمي

من شفاياها عسل من ذاقها مامسى بخير
ومن عرقها عطر ابو باريس يصبح حضرمي

ومن شعاع الوجه نستخرج اضاءات المسير
ومن هدبها كنها تعطي دروس معلمي

لو تمر قدام ورعٍ يمسك ف يده ضرير
شيّبت فالورع والاعمى يزاوله العمي

خافي الله في خفوقٍ شاق به رمشٍ مغير
يوم شفته ريقي المبلول يبّس في فمي

مابقا واستغفر الخلاق غير اني اصير
معتمر وانتي كما الكعبه وشوقي مسلمي

ياغناتي يوم قلبي جاك يبغاله خشير
لاتشحي في جواره وانتي لقلبي سمي