الفراق أمّر من ملح العيون
لابكيت ودمعتك ترسم جفا
وش بقى ياوقت خيّب الظنون
فرحتي صاحت تردد لك افا
واعذابي يوم هنت ولاتهون
طيفك المحشوم في بالي لفا
وواعذبي يوم مررت الطعون
نامت عيونك وجفني ماغفا
دمعتي يوم ان خلي بي يخون
دمعة اللي في قتيل ابنه عفا
وفرحتي لو بينت ضو السنون
خافقي يبكي ودمعه ماكتفا
جيت لك طفلٍ يبي صدرٍ حنون
وجيت لك بردان وادوّر دفا
وجيت لك مطلوب يبغي منك عون
وجيت لك تعبان ماحوله شفا
وجيت لك قاعٍ عطش تبغي مزون
ورحت والصده على وجه وقفا
لكن الصدمه وفي لحظه سكون
بادرت طعنتك في لحظه خفا
جايز ان الوقت علمك الجنون
قلبي الصافي وقلبك ماصفا
مستحيل الوقت يمكنّه يكون
العدو يوفي وقلبك ما وفا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.