مروّجين العولمه

يامدرّس التعبير عبّر عن الشام
ملّيت من موضوع شبه الجزيره

ابحث مع الطلاّب تحقيق الاحلام
النصر حلم وسيرة الشام سيره

احوالنا ياستاذ في تال الايام
ما بين تقصير وجهاله وحيره

كثير منّا يحسب الواقع اوهام
ويسمّي اوهامه حقايق مثيره!

حتّى اليهود اللي تربّص بالاسلام
ماباقي الّا يعتبرهم عشيره

الياعطاه العلج رفسه بالاقدام
يقول سامح جعل بالامر خيره!

ومشايخٍ تفتي بتحليل الاجرام
صارولنا علّة نحر مستطيره

بالكذب والخدعه وتزوير الاحكام
امسوا بديره والحقايق بديره

مروّجين العولمه عبر الاعلام
لو نتّبعهم ورّدونا السعيره

مفهومهم دايم وهو عكس الافهام
(ذروة سنام الدين بدعه خطيره)!!

(ذروة سنام الدين) ياحمر الانعام
عزّ وشرف ماهو جرايم حقيره

مار امرحوا واستانسوا عدّة ايام
وكلٍٍّ على ماقيل يلقا مصيره