أجــوع واظـــماء

أجوع واظماء واترك الشعر واتوب
وانسى عن حروف (ن) يراعي كتبها

ماني على بعض العبارات مغصوب
وش لي وراء دار (ن) جفتني عربها

هرجي وتفكيري على النفس محسوب
مادمت اميز فضها من ذهبها

هيهات يالدنيا بها العلم مقلوب
ومجار ياكبد (ن) تلاحق حطبها

الحرف يظهر حي ويموت ويذوب
والناس لو تسكت يبين غضبها

صبر الرجل في كل الاوقات مطلوب
لو يعرف الغلطه ومنهو سببها

ومجامل الطيب إذا بدل الثوب
يمنعك من نار (ن) ينوشك لهبها

والادمي كله علئ بعضه عيوب
وكم من نفوس (ن) حقدها اللي نكيها

فكري بصوب وفكر اليوم في صوب
والنفس تحزن لا توقف طربها

رفيقك الوافي إذا اعطاك عرقوب
خله وجنب رفقته لا تحسبها

والرزق عند الله مقدر ومكتوب
والروح وهبه . من كريم وهبها