دفء الشعور

الجوّ بارد والأهم دفء آلشعور!
يحلى' اللقاء دام المشاعر دافيه

وان صار سوء الفهم في بعض الأمور
ف اللّيل نشعلها.. وتصبح طافيه

دام الرّحابه كنز مخفي ب الصّدور
تبقى' العلاقه ب التفاهم.. صافيه

وجه الزّعل ينزاح.. ويْحلّ السّرور
والوزن يضحك في عبوس آلقافيه!

عادي!!.. يمرّ الحب في لحظة فتور
وقْلوبنا تنبض .. وهي متجافيه

نبعد وكلٍّ له.. معَ الآخر .. حضور
نخفي مشاعرنا وما هي خافيه!!

لكن.. يعود الودّ.. وتفوح العطور
لا باح احد منّا.. بكلمه شافيه!

مهما تهاجر عن ملافيها.. الطيور
لابدّ تلقاها .. تعوّد.. لافيه

وان كان فينا قْصور.. واللّه ما نبور
نحمد ونشكر.. ربّنا ع العافيه!

ما نفترق عن بعض إلا ف القبور
ما دام انا وافي.. وانتي.. وافيه