تغاريد

وا: شيب عين اللي من الشوق ضامي
اقفى عشيره والهموم ابتلانه

خلاه مابين الولع والهيامي
يون من زود الغلا الف ونه

غايب : ولادري ويش تالي غيابك
ساعه تواصلني وشهرين غايب

لو كثر مافيني وله في جنابك
ماغبت عن عيني وانا فيك ذايب

متى على الله يالمحب انتواجه
ونرجع مثل اول اجيك وتجيني

لآنه بعد فرقاك ماضل حاجه
كل شيء عقب مفارقك مات فيني

اشوفك بحلمي من الوقت تبكين
وكل مابغيت اضمك يزيد همي

تدرين ليش يزيد هالهم تدرين
لاني بعد محروم اضمك بحلمي

الوقت هذا مابه انسان وافي
ولا عاد به مخلوق مطنوخ دمه

تشابهو: فيه الردي والسنافي
وصار الرجل يغدر به ف (بنت عمه)

علمتهم صنع الامل في يديني
ويومن بغت : وقفاتهم قاطعوها

وحطيتهم من طيبتي وسط عيني
واثر انهم وسط المواجع رموها

بودعك وآنآ قسم خاطري فيك
توديعت الشعب السعودي ل حافز

هم لعنبو الحاجه تركهم مهاليك
وانا تركتيني على البعد عاجز

حبك فضاء : وآنآ ترى فيه (عصفور )
ماشاف بغصان البساتين راحه

كل منجلآ : عتم المسا وبتدا النور
ضم الفضاء واصبح يحرك جناحه

اه : ياسرب الهموم اللي علي متحالفه
واه يادمعآ : بعيني قام يحبي بي حبي

واه ياشوقن : بقلبي ماقدرت اخالفه
كل ماجيت ل (تبوك) يردني لآبو ظبي

روح : زمن قم ياولد قهوي الضيف
وجانا : زمن فيه الشنب مايربي

شف : عقب ماكان الرجال يحمل السيف
اليوم صار يشيل بيديه (ببي)

شفت البدو لآ جفت الارض وشلون
انا تراني مثلهم في غيابك

هم من ضماهم للسحايب يشدون
وانا اشد من الوله يم بابك

خل البشر ياصاحبي دوم يحكون مهما حكو ماهمنافي حكاهم
لونا : نحاسبهم على اللي يقولون

نص الخلايق مامشينا معاهم
ماعلني من فراقك غير جوالي

شكل الخبل عاشقك ويموت في رقمك
كل مابغيت اتصل وشوف لي غالي

القاه من دون مدري متصل ب آسمك