يا طالب القانون دستورنا " ماش "
تدرس وتتعب ثم تشقى على ويش؟
من خالف القانون في خيره اعتاش
مادام من خلفه
اللي حفظ قدر الوطن صار حرّاش
واللي يفتن فالوطن .. دونه الجيش !
تُذبح على ذكر الرديين الاكباش
و اشرافنا تطرد ورا لقمة العيش
سيّد علينا هالزمن كل غشّاش
وراحت قضايانا سواة الخراطيش
جنسيّتك كانت فالاوراق تنخاش
واليوم مطّاعه .. تعد المعاطيش
صف المسيره من على حدب الانعاش
نموت موتة عز /و لا نعيش في طيش
لا خير في رجلٍ بلا المرجله شاش
دون الكرامه وش على الناس بتشيش؟
يا مسلّم البراك خذني كما كلاش
مادام نام الحق نوم الخفافيش
مقاطعين الانتخابات و اللاش
ما يترك النشمي لصف الحرابيش
والمجلس القادم كما طاش ما طاش
ما ناقص الا مراد ( حييه يا بيش )
العام حثلٍ للاجاويد مطراش
واليوم نوّابٍ تحتها مطاريش !
باعوا ضمايرهم ورا جَمعة الكاش
وحنا الضحايا لا حصل اي تشويش
سذاجة العالم بتلوينة الشاش
خلا وطنّا في يدين المرابيش
تغانموا لاوضاع اكّالة ال آش
وصرنا ضحيّه لكل زلّه و تحريش
تزعل على قولي قريبين و احواش
مادام ذا رايي فلا قايلٍ ليش
شيخي صباح وما على شيخنا طاش
وتموت في غلها هَلَ الحقد بشويش
ف ياطالب القانون دستورنا 'ماش'
يا حظ منهو داخلٍ دورة الجيش
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.