حب الكبير : اللي عشق له كبيره

جنب عن اللي ياولد مايصلون
وغنم مخاو اهل القلوب المنيره

وابعد عن العشاق واللي يحبون
درب الهوى ياخوك ملعون خيره

لاتقولي : بالحب به ناس يوفون
كلن بدرب الحب بايع ضميره

كم صاحين : اصبح من الحب مجنون
وياكم : عشيرن خان خافق عشيره

مآجبتهآ من قال ..؟ ولآ يقولون
عيني على درب المحبه بصيره

وعندي على ماقول / حسرات وطعون
سون بقلبي يارفيقي مسيره

خبيتهن : لكن ابعطيك مضمون
وابعدك : عن غدر البحور الغزيره

قضيت : لي مده وانا احب واصون
رغم آني بديره وخلي بديره

ماهو بحب اسواق ومراسل ايفون
حب الكبير اللي عشق له كبيره

حبن : غلآه اجنون واشواقه اجنون
يشفي جروح اللي جروحه خطيره

حبن : لك الله من هنآ ل (آول الكون)
ونهايته في اخر المستديره

واليوم : شفني من غثا الحب وشلون
ضمن الاسير (اللي غدربه) اسيره

اعطيته :الخفاق واصبحت له عون
وخليت لجل ارضاه (ناسن) كثيره

والحين : رح شوفه مع اللي يخونون
مع شلة (الخاين) و (بايع ضميره)