نعنبوها البنت هذي أنعتتني بالبدون
أتشيحط فوق راسي بالبطاقه والهويه

زودتها هالحقيره لين دقت بي جنون
مادرت إنا قبايل نارنا للحين حيه

إن نهضنا من حياض الموت والله تاردون
أقصريها ياللعينه قبل تاصل للمنيه

تنعتيني مادريتي عن يميني تقصرون
حتى لو أني بدون ٍ أتشرف يالغبيه

أسألي التاريخ عنا وبالحقايق تعرفون
كم شيخ ٍ لانخانا عاش له عيشه هنيه

وكم حاكم طار راسه بالمواجه ينفنون
حطي إيدش فوق راسش وأسكتي يالكاوليه

البدون اللي نعتي بالشدايد تنكرون
ساق نفسه دون جابر مالفاكم بالرديه

ماتهاون دون جابريوم غيره يشردون
يشهد التاريخ فعله ماهي أوراق وهويه

من خلقنا الله هنيا يوم أنتوا تصيفون
وسط لندن مع فرنسا وبعضكم بالمغربيه

مع حلول الصيف زحمه للتذاكر تحجزون
( واي ) حر ومنتحمل جونا ( وايد )) أذيه

من حرارة جو رحتوا بالمصايف تسبحون
ماذكرتي من نعتي صامد ٍ بالعسكريه

من غلا هالأرض ساهر يوم أنتوا ترغدون
ثابت ٍ الصيف كله مع سلاح ومدفعيه

يطلب الله في صلاته بالمعيشه تنعمون
وسط أمن وعهد شيخ ٍ من سلاله مباركيه

باقي كلمه وأفهميها بالمشاعر تهزئون
مثلكم حنا وأحسن وأتقي الله شويه

أعلمي أني كويتي وأحمل اللي تحملون
وحتى لو أني (( بدون ٍ )) أتشرف يالغبيه


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر