الا ياقلب ربي لك معينا
اله الخلق رب المسلمينا
شكيت ودمعتي في وسط عيني
وهمي بالحشا كنه رهينا
والا ياقبر تركي قد طلبتك
حرمت ابوي من حلو السنينا
ثمان سنين ياقبره ولا انته
مقدّر شخص مشتاق لضنينا
شقتني يايبه دنيا التعاسه
وانا صابر وغيري صابرينا
ثمان سنين يالغالي وكنها
دهر ممزوج مع دمعن دفينا
بكيتك عد مارشت سحابه
علا قاعن تسر الناظرينا
غلاتك وسط قلبي ما تنحت
يسار الجوف والا فاليمينا
واليامن شفت وجهك قلت يارب
اله الكون رب العالمينا
علا قبره ياربي لاتثقل
وخفف وانت سيد الراحمينا
هذا عبد العزيز اخوي لامن
ذكرتك حارت دموعه بعينا
يقول ابوي رووح من زمانه
سجن مظلوم ضمن الساجنينا
خذاه الظلم واروته التهايم
وصالت وسط قلبه من غبينا
عقب مامات قالو من بلاوي
عسا ربي يجازي الظالمينا
تولتنا المصايب كل وجهه
نوجهها ليامنا سرينا
والا يا وجد حالي وجد منهو
فقد فالوقت شوفت والدينا
يشوف الظيم في عمره ملازم
وحاله سجلت حاله حزينا
هذا وجدي ليا مني ذكرت
ياراس العز يا ضلعن متينا
ياتركي لك عهد والله شاهد
على هرجي وخلقه شاهدينا
لاطبّع صورتك في وسط قلبي
حفظناها وحنا حافظينا
وختاما عد ماناحت حمامه
صلاتي يارسول المرسلينا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.