رب موسي رب محمد - محمد شويطر

رب موسي ,, رب محمد
رب عيسي ,, رب كل زمان
رب زكريا ,,, رب مريم بنت عمران
رب واحد والعقيدة إعبدوه
وإن عصيته غضبه لا تتحملوه
و إن راضيته هو أرحم مني عليا
و اقرب ليا من والديا و كل أهلى
واللى ليا ,,, واللى ينكر وجوده يبقي جاحد
رب واحد رب واحد ,, رب واحد
سألنا مره ملحد
شفت ربك ؟؟
طب لمسته حسيته ؟؟ سمعته
كان ردنا سبحانه لا يدركه بصر
ولا يؤثر فيه القدر
هو مالك الأقدار
رب الليل والنهار
الواحد القهار
كمل الملحد كلامه و قال
يعني لا شفتوه ولا سمعتوه
ولا حسيتوه ولا لمستوه ولا كلمتوه
إزاى تقولوا الله موجود ؟؟
بصيت وفكرت ثواني
و نظرت من بين أقراني
و نويت أرد ,,
يا عم الملحد
ليك عقل تفكر بيه يا عقلاني ؟؟
قال اه
قولت شوفت عقلك ؟؟
الملحد فكر قال لأ
كملت وقولت طب سمعت عقلك ؟؟ لمسته ؟؟ حسيته ؟؟
قالى الملحد بعد شويه تصدق لأ
قولت يبقي انت مش عاقل
إنت فى عداد المجانين ؟؟
رد وقالى انا سيد العاقلين
قولت إزاى عاقل و إنت عقلك مش متشاف
رد الملحد قالى أنا عقلي الناس منه بتخاف
سألته لأخر مره ,, عقلك فين ؟؟
قالى يا هذا انا عقلى موجود
قولت بأعلى صوت فيا
وكذلك الله سبحانه وتعالى موجود
,, موجود معبود فكل زمان
يدرك هو الابصار
يملك ربي الأمصار
وإحنا علينا ننفذ أمره
وقف الملحد يتدبر أمره
راح تفضل كدا لإمتي يا غلبان
راكبك مليون شيطان وشيطان
دا حتي إبليس مؤمن بوجود الرحمن
مين لما الهم يزيد على كتفه
فوسط الليل بيقول يارب
فصباح تانى يوم بيفرج همه ؟
مين لما إتكون جنين من لحم ودم ؟
مين ليه فى الدنيا دي أغلى
من كلمة الحمد لله
موسي سأل ربه
أكتر ذكر يا ربي تحبه ؟
رد المولى : قولوا لا إله الا الله
شوف إسمه على ورق الأشجار
على كل ضفه من ضفوف الانهار
بحار و ثمار ,, رياح وغبار
بركان و جمار
و عمار للأرض مقدور وسط الأقدار
رب كل زمان ومكان
خلق الإنسان و رمل وطين
وجعله فى قراره أمين
سبحان من علمني التسبيح
وكلامي والقرأن
رب محمد ,, رب موسي
رب عيسي و مريم بنت عمران

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر