العتب

http://www.youtube.com/watch?v
mMmWo8OQIsQ

قالوا العتب صابون لقلوب الاحباب
وأنا كرهت أشره وأعاتب صديقي

شربت من كأس التعب حد الاسباب
وحملت نفسي فوق مالا تطيقي

لاصوت يسمعني ولا جملة اقراب
ولاصدر حاني بالليالي رفيقي

كل(ن) خذا الفرقى على جمعة احزاب
وانا مع دموع المحاجر غريقي

اعذارهم مابين صادق وكذاب
فوصال حبل(ن) ماغدالي وثيقي

تركت حق النفس من دون طلاب
والكل ينظر لي بنظرة شفيقي

وانا ادري اني لوتكلمت بنصاب
من وحدة اصوات(ن) لهبها حريقي

فضلت صمت الروح في عيشة اغراب
لاسأل ولا ادور ولا احد(ن) مويقي

اجاذب الونات خايف ومرتاب
والهم حزنه في خفوقي عميقي

ماعاد يملكني تحكم بالاعصاب
انهرت من حزني وجرحي وضيقي

ليت الذي عن شوف الاعيان ماغاب
تحت الثرى من قبل يبتل ريقي

اللي في حضوره كنت ماشيل الاتعاب
او اشغل افكاري بشرهة صديقي

شعر/ الملتاعة