عود الزبيبة

ولّ يا حظ ٍ مع الأيام نفّر
تبلي اللي خابر اعلومه صويبة

مثلي اللي في شعوره ما يطفّر
دوم يرميها على عود الزبيبة

حظ منهو بالترايب قد تعفّر
لى جفوه اعوانه وخانه قريبه

قلبه اللي حاني الضلعان دفّر
أصغر جروحه يسوّيها مصيبة

بس عدّاده هذاك اليوم صفّر
وما رخصها غير في راس الرقيبة

إن زعل من دنيته قالت: يوفّر
ون تصادم في مصادمها غليبة

واوجودي بالفلا وجد الغضنفر
ما توقّع طيحته من كف شيبة

غز مخلابه على حلقه وعفّر
ولا رضاها غير يدفعها ضريبة

قد مشينا سكّة العمر المحفّر
عثرة الشاطر تنكّاسة وخيبة

وما ذبحنا غير كبوات المظفّر
لى فقد في حزّة الهيّة طبيبه

من ضلوعه لاهب الحسرات زفّر
بس زفرات الجزايل تصطلي به

قيل سفّرها وعيّت لا تسفّر
دمعة الاجواد هو فيها معيبة؟

غير ما في دنيته شيّ ٍ يكفر
مؤمن بربه وراضي في نصيبه