ما جــاني مقسوم

الحب يا أهل الحب جلاّّب الآلام
وراعيه ساهر كل ليله بلا نوم

يصبح عليه الصبح وهو ما بعد نام
ودمعه على خده من حره مرسوم

واليوم أنا يا ناس أعد الأيام
من بعد فرقا الخل يوم ورى يوم

أشكي فراقه راح من دون أخصام
وبيني وبينه وعد بالحب محتوم

خان العهود وخاين العهد ما يلام
ولا له مكانه وسط قلبي وبالقوم

واليوم بعد اليوم صاير بعّدي عام
أشكي فراقه وصرت من الفرح محروم

ودعت أيام الفرح والتّبسام
ودعتها وصرت بأحزاني أعوم

أشوف حظي طايحً ما بعد قام
وغصبً علي أرضى ما جاني مقسوم

لكن وصيه يا هلي قبل الإقدام
وقبل الممات يحوم بكره أو اليوم

الموت حق وعمر الإنسان ما دام
يموت لازم وتدعي له الناس مرحوم

وصيتي يا هلي لأسمعت الأقدام
لاجاني خلي يبكي ويقول مظلوم

ما فيه داعي يشتكي سيد الأوهام
قولوا له لا تبكي ما هو بملزوم

السبه أنته تاركه لحم وعظام
قلبه وروحه معك من مات مهموم

وش فايده لو قالوا صلى ولا صام
وش فايدة دمعك بعد موته اليوم