نسمة الغربي - سليمان السلمي

ياخصرها السالب الموجب لياشقته
غير مسار القصيدة وابتدت فيها

ياكم زولا دعاني شفته وعفته
الا هذاك الدلال اللي محليها

.لامال عذب الحكي فيها تلقفته
من قبل يسقط على عروقي ويرويها

ارق من نسمة الغربي وهف هفته
واعذب من النيل وفراتها ونهريها

خذت من الكون اجمل شي وصفته
وخذت من الورد بانواعه معانيها

واقلبي اللي مشكك به وحلفته
يالين جاوب ابيها والله ابيها

لو انها بالشجاعه كان ماخفته
امشيلها الدرب واصبح حول اراضيها

مير البلا شي لاجاني ولاشفته
قاعد على الكبد يحرقها ويكويها

امشي لها الدرب لكن لاتناصفته
تردني لحظة الفرقا وطاريها

اخاف ترحل وانا همي تلحفته
واموت في حسرتي قبل المس يديها

هذي الحقيقه واخر بيت وظفته
لغايتن في خفوووقي كنت مخفيها

انكان تبغون من هي عقلي اخطفته
اللي ف بالي عسا ربي يخليها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر