يا صاحبي

يا صاحبي يا للي ما مثله إنسان
كريم في طبعه لو معلن إفلاسه

اللي يعيش اليوم بلوعة وحرمان
يعانق أحزانه في وسط ناسه

ما يغلبه نومه لو كان نعسان
يسهر طوال الليل والدمع هوجاسه

شفت العذاب بداخله أشكال وألوان
ساعة ظهر ع الجسم مع حرقة أنفاسه

والله ما مثله ضحية للأحزان
والقمره ونجومه بالليل جلّاسه

يا صاحبي هونك وإن كنا أخوان
أسمع نصيحة شخص الشوك داسه

اللي رضا بالذل يموت منهان
وإلا العزيز يموت ما هان راسه

لا ترتضي بالذل لو كان فنجان
وأشرب لذيذ العز من مر كاسه