وين الوعود

أسامر النجمات طول اليالي
أحاول أنسى منهو قلبي حضنها

أرحل بفكري عنه لا من طرا لي
وترجع بي أفكاري تحوم بوطنها

وذكرت كل اللي معه قد مضى لي
أيام راجت معه ما تقدر ثمنها

غالي ويسوى بالغلى كل غالي
رحل وقلبي قد وقف في زمنها

له شوق في قلبي بعدّ الرمالي
والشوق في صدري يأمر وينهى

وين الوعود اللي بلسانه حكى لي
بتموت قالت لا بعدت أنا عنها

أفكار راحت بي وأنا لحالي
يا ليت كف الزمن بيده دفنها

أو ليت كل اللي يدور بخيالي
تموت في دنيا هو قد سكنها