اختـراعات و نَشـِر

الغرور ايغطّي في انفوس البشَر
ضعْفها .. لامن تحس ابنقصَها

و العقل ثمرة اذا اغرورك قِشَر
رجلك .. لدرب التواضع وصّهَا ‎

كلّ نفس فيها خير و فيها شر
و انت بايمانك تولّد حرْصَها ‎

ناس تفخر باختراعات و نَشِر
و ناس تفخر في براعة رقْصَها !!

لي صديق واحد و لا احتاج لعشِر
في الشدايد شلْتِك اتعقّ نصّهَا !

في شهَر رمضان و ليالي العشِر
تدّعيك الخلق من زود حرْصِهَا

أسألك يالله في يوم الحشِر
روحي ويّا الانبيا .. اتخصّهَا