زاد خذلاني

قتلت قلبٍ تعلّق فيك واهملته
واليوم خابت ظنوني وزاد خذلاني

وانا اللي ماحد تحمل ما تحمّلته
شفني بعد ما صبرت الهم أردآني

يآ قآتل الحب وين الحكي لي قلته
وين الوعد يوم قلت انّك بتهوآني

كل شيء منّك يجي شفني تقبّلته
حتى الغياب اللي هلهل دمعة اعيآني

مهتمْ بس اهتمامي ما تبآدلته
واقفيت عني ونار القهْر تصلآني

وش لي بك ان كان غيري يوم حصّلته
أغوآك لين اهتدى للعقل شيطآني

ما هزك الضعف فيني يوم قابلته
في مظهري يوم قلت ابعد وإنسآني

ما هدّك الصوت لما انبحّ وارسلته
ولاحظت إن ابتعآدك عني ابكآآني

ما ردّك الحب يآ حب بالحشا شلته
لما تلعثم كلاآمي وتَأْتَأْ لسآني

من قدّك اليوم لما الجرح كمّلته
وانْهار كلّي وذا مردود إحسآني

بايديك حطيت قلبي وانت أهملته
وكفك من اللا مبالاه مد واعطاني

قرّب وخذ كآس هجري وان تناولته
بتحس باللي غمرني أمس واعيآني

منْك اكتفيت وكفآني اليوم ما نلته
ما عآد بآ عيد قصّة جرحنا ثآني

روّح وأمري إلى المعبود وكّلته
والله على حُسْن نيّة قلبي يجزاني