غصن الغلا ! - عبدالله العبدلي

غصن الغلا من كثر شوقه مال
حتى دنا يمّك وطاح الحرف
 دمع المفارق يا حبيبي سال
والعين ما تقدر تغض الطرف
ليل الجفا موحش ودربه طال
ماهو ب منّك من سواد الظرف
ادري غلاي ب خافقك لا زال
وتعْرف غلاك ب خافقي يا الترف
ما يجمع إوصوفك شعر ينقال
مثل القصايد في نياق الشرف
فيك الدلع والزين ما ينطال
من بينه وبين العذارى جرف
لو صورتك تدخل ف سوق المال
في ذمتي لازم يطير الصرف
© 2024 - موقع الشعر