إلا أمن الإمارات - عبداللطيف العوفي

يادار زايد بالغلا مانزايد
غلاك مثل الدم وسط الشرايين

والله مايرخص ثرىً فيه زايد
مادامنا عياله على الارض حيين

انتي بلاد الخير وارض العوايد
ارض الرجال الطيبين النقيين

قلعه خليجيه بوقت الشدايد
حصنٍ حصين وكلنا لك مفادين

من حاول يزعزع بك الامن بايد
الشعب ضد المرجفين المظلين

ماغير ابن زايد رضينا بقايد
وجه السعد قدره على الراس والعين

كل الخليج لشعب زايد سنايد
في خندقٍ واحد بوجه المعادين

واللي لهم عند الخوارج فوايد
لايخادعون الشعب في مظهر الدين

والله لنشعلها عليهم وقايد
ويعوّدون لزمرة الشر خاسين

حنا فدا زايد ولعيال زايد
على العهد لين آخر العمر باقين

© 2022 - موقع الشعر