ياونة ٍ ونيتهــــا

ياونة ٍ ونيتها في عيد الاحباب
يوم ٍ كل ٍ راح يعايد احبابه

قعدت مجبوره علي غير ماطاب
ماكن لي موجود حي ٍ قرابه

يالله يامطلق حكيمات الانشاب
يامدخل ٍ من لاجبه والتجابه

ابرج لقلب ٍ كن فاقصاه جذاب
غاد ٍ شبوبة نار ماحد ٍ درابه

حزنه عميق ماتداويه الاطباب
كل طب ٍ ذكرله يزيد التهابه

عيا يطيب مع الزمن جرح الاسباب
ولاهقوتي ذا الجرح يبرا صوابه

فالليل دمع العين يالقرم صباب
وضوء النهار عن السفر جو غابه

لولاي اعدي يابجد راس مرقاب
واقنب قنيب مجوعات الذيابه

وانوح نوح اللي علي الغصن لعاب
واجور جور اللي عطيب ٍ صوابه

تقول يشلع ثومة القلب مخلاب
في وسط جوفي خلب طير ٍ هوابه

عيت تهيد العين والقلب ماتاب
والعين ماتنسى حد ٍ ودهابه

اسمه غدالي يابجد ذنب وحساب
وحسبي علي اللي يطري اسمه بجابه

لاوحيت طارى اسمه خبث في ماطاب
وراحت ضلوعي وسط جوفي حطابه

طويت حبل الياس عقب الرجا خاب
وازريت لانسى يابجد عهدنابه