شموع الغلا

اهلا هلا بالغايب اللي لفاني
اهلا هلابه عد وبل المخيلات

واهلا هلابه عد عذب المعاني
واعداد ماقالو من الشعر جزلات

النور بقدومه عليه غشاني
والعيد عيدي يوم اقبل بخطوات

جاني وقال انه في بعدي يعاني
وفي غيبته ماغبت انا عنه لحظات

وساعة تكلم دمع عينه كواني
دمعٍ نزل كله من البعد حسرات

يقول احبك حب يعجز لساني
ولو جيت بوصف يعجز الحرف هيهات

انت لي غالي وشمعة زماني
وانت لي اقرب من الروح والذات

ياما تمنيتك وانا في مكاني
بالحضن تاخذني ونقضيه ساعات

وتضمني ضمة شفوقٍ حواني
بيدين لمتني وانا كنت بشتات

والحين شفتك صدق ماهي اماني
ياللي كلامك شعر وحروفك ابيات

اوعدك انا والله ماغيب ثاني
واشعلك شموع الغلا كل الاوقات