ما اخطيت ...!

ما اخْطيت يوم انّ الخطا دقّ بابي
ما اخْطيت يوم انّ الخطا دافعينه

واشيب رمش العين من شي غابي
بين الحنايا طاعنتني يدينه

اللي وهبته عمر باقي شبابي
حطّيت روحي في يدينه رهينه

ساق التعصب ظالم اللي محابي
عين الجهل راس الفتن و الضغينه

له عاطفه جيّاشة ٍ للعذابي
حكم العواطف دان منهُ يدينه

لو كان خالف نهج ما فالكتابي
دين ٍ من الله كلنا عارفينه

كل ٍ على ما يشتهي له ذهابي
كل ٍ يفسر علم جاله دفينه

ما كنّه الّا فالقلوب الغوابي
اللي صناديق الضلوع المتينه

واشْره على من هو يعرف الصوابي
لكنّهم درب الخطا ماسكينه

واللي سواتي لا حشا ما يحابي
لا ما يجامل فالعلوم المشينه

اللي تنزّل هامة ٍ بالرّقابي
يغدي لبانه فالفمي حانكينه

مختار ربّي حسبنا و الثّوابي
اللي يبدّل بين فينه وِفينه

كل ٍ بيسأل يوم عرض الكتابي
كلٍ على ما قدمت له يمينه