إيه اخطيت

لو قلت أدور لك خطا , إيه أخطيت
يا كثر ما ندمح خطا من نحبّه
 
لكن تماديت , وانا ما تماديت
ماعاد فيني ضلع باقي تشبّه
 
خلّص غلاك وانت ماظنّ حبيّت
والحب بحر وما أظنكّ تطبه
 
من كثر مافي خاطري "ماتهقويت
غير الفراق الي يجي بالمسبّة"
 
حاولت أبزرع في خفوقك وأزريت
أرضك بوسم الحب ماهيب خصبة
 
حاولت أبسرج في لياليك ه اللّيت
والليل في جرح المحبّين طِبّه
 
لكن تواسى شي في عقلي وجيت
والا الأمور بداخلي مستتبة
 
احشم خفوقك لا تناصيت لك بيت
واياك لا تامن دروب المحبة
 
خلك على ماقيل حب بأتيكيت
واحسب حسابك للفراق و تنبّه
 
من صبّ لك فنجال حب وتقهويت
صبّ الغلا لجله من القلب صبّه