الحب !!

خلوني اتكلم اذا الصوت مسموع
وانا ادري ان صوتي بليّا معاني
 
لكن حقيقه لو بها الصوت مقطوع
على الاقل ب احس فيني تفاني !
 
عندي حكي لو انه انواع هو نوع
محدٍ يحب يسمعه والصوت فاني!
 
المجتمع .. ضايع، وتايه، ومخدوع
والناس . . تبني للسخافه "مواني
 
من الدناءه نوصل لحد موضوع
لاقلت لأحدٍ صل (علّى الاغاني!)
 
بهالمجتمع ما خالف الدين متبوع !
واللي يقول الحقِّ اصبح ( اناني )
 
اعراض عالم تُهتك بإسم مصنوع
ظاهره ’اسمى‘ عن حقيقة بياني
 
الحب عن معناه هالوقت منزوع
اصبح
 
( الحب ) حلل فالعلاقات ممنوع
واصبح كذا مهرب جميع (الزواني)
 
فكك اسر من بعد ماكانوا جْموع
منهو يدان ان اصبح الكل جاني ؟
 
انا احب !!.. لكنّي بحب مشروع
اتخيّل احبابي واعيش اوحداني
 
اكتب غزل، وفراق، واشواق ودموع
اكتب خيانه.. اوصف اغلا الاماني
 
شاعر واتفنن خيالات وطلوع ..
ارسم سْنيني و آتخيّل مكاني !
 
لكن ليا جت الحقيقه فهي طوع
ما احب ولااعشق ولاني اشهواني
 
اما اذا جاني سهر ضوّه شموع
اعرف قصيدي لوين راح وخذاني
 
وآقول بيتينٍ عن الحب واللوع !
اشكي بهم احساس ضيق احتواني
 
تدري متاك تضيق وتصير مفجوع؟
وتحسّ .. أنك في حياتك تعاني
 
اليا دعيت لصاحبك وانت موجوع
الله يسهل ملكته لشخص ثاني