الصيفي

اهدي ل طلاب الدراسه تعازي
دام اختبار اليوم .. كلّه موازات
 
حنّا بلغتنا . . ما نجيب امتيازي
ماهي لغتنا كيف نبغى امتيازات؟
 
تفكيرنا معدوم ! . . كلّه نشازي
بين الدراسه و الوناسه حزازات
 
 قبل الدوام نحط شرط احترازي
نسأل متى قبل الدوام، الاجازات
 
يا بخت منهو ب إمتيازات فازي
وقت النتايج . . طالعٍ للجوازات
 
ماهو بشايل هم صيفه ولازي
يم الديار اللي بهن غرّ ليزات
 
وانا .. مع الصيفي يتم ابتزازي
على الحرس ودي ومابيه حزّات
 
ياللي تشوف الحال اسمع مجازي
من واحدٍ ماله على الناس عازات
 
عيش بحياتك فاطنٍ وانتهازي
بعد التعب تلقى حصاد وإجازات