روّح بدربك

افترقنا وافترق دربي ودربك
وباعدت لأيام ما بينك وبيني

وصار قلبي صعب يتلاقى بقلبك
بعد ما طاوعت قول الحاسديني

انته الغلطان والهجران ذنبك
وانته يلّلي خنت عهدي يا حسيني

وانت يلّلي قلت في الأول أحبك
وافتكرت إنّك صدوقٍ تهتويني

قمت أطارد ناقتك ومسير ركبك
وآتحرّى وأسأل اللّي وافديني

قالوا: المحبوب ما يهواك وش بك
تتبع اللّي عنك صاروا راحليني

ما طعتهم بالذي قالوه صحبك
بعت كل الناس حتى تشتريني

والنهايه للأسف قد بان كذبك
بعد ما ضيّعت في حبك سنيني

بس هذا اليوم ما أبغيه قربك
وانته ابعد لا بجيك ولا تجيني

والنهايه قلتها روّح بدربك
وافرحوا بفراقنا يا شامتيني