جيت متولّه

كل طير لعشّه يحنّي
والأكيد بيوم بيرد له

وآنا مثل الطير لك ردني
إشتياقي وجيت متولّه

قاصدنّك جيت متعنّي
والوصل مدّيت لك حبله

لمّ شوقي يالغلا ولمني
خلّ قلبي يبتهج خلّه

السفر يا خلّي أتعبني
هايم بروحي بأرض الله

لا ونيسٍ لي يجالسني
في السفر أقدر أفضفض له

غير طيفك ما برح عنّي
دايم قبالي ولا آملّه

يا عويض الروح صارحني
هل تبادل شوقي بمثله؟

كل شيٍ فيك يعجبني
يالغلا يا باهي الطلّه

خاطري يا زين تسعدني
وخاطرك كل شي برخص له

من ثمان وأربعين إنّي
وأربعه وخمسه خذه كلّه