خطاب الذات / - مقبل البلوي

يا مدور احلامك بسوق المطاميع
في سوقها ضاعت عليك اعتبرها

اللي تغيب الشمس من دونها تضيع
الصبح ما تجيب الهواتف خبرها

حزنك عليها ما يعالج مواضيع
الحزن ديجور النفوس وكدرها

فقدانها لا يزيد فيك المواجيع
المجتمع روس الرجال يخسرها

جمع بقايا حلول الافكار تجميع
الناس بالتفكير وصلت قمرها

يمديك ما فاتك قطار المشاريع
استخدم الافكار تجني ثمرها

حتى على جهودك تكافأ بتشجيع
من قدر جهود الاوادم شكرها

ما بك ردى يوم الخلايق مهاجيع
تسلب من عيون الذيابه سهرها

لك في سجل المجد بصمه وتوقيع
لا هاجت الامواج تسبح بحرها

مصيبة الواحه جفاف الينابيع
اللي كما الشريان تسقي شجرها

العام تلعب لك هبوب الذعاذيع
واليوم ما اسقتك السحابه مطرها

خذ المفيد المعتبر دون تصنيع
وابي عن اللي ما يفيد اختصرها

© 2024 - موقع الشعر