التقييم
مدى ايدك علمينى----------------- لو نسيت يوم فكرينى
صحى يوسف فى تانى------------وفى خزاينه دخلينى
علمينى النيل أضمه--------------وفى خزاين السد ألمه
لما اجهزله العروسة-----------فى الصحارى دى تلمه
علمينى ازاى أدبر------------ حالى لما الدهر يغدر
إن ضميرى خانى مرة-------نادى قولى الله اكبر
علمينى اشيل همومى------وانى أصحى من عز نومى
أمسك الإبرة وأرفى-------اللى باقى من هدومى
ارفضى دايما بشدة------كل أوضاعنا اللى باردة
على اللى فات ياما سمحتى-----مدى ايدك م النهارده
علمينى فى كل مطرح---------انى اغزل انى لصنع
إنى أقوم م الصبح بدرى--------إنى أحرث إنى أزرع
ازرعى فى نفوس ولادى--------عرفيهم بالأعادى
لو غرور الغرب خادهم---------- اقفلى الباب الساعة دى
خلى زادنا يبقى بايدنا---------واندهى كل الولاد
ليه فلوسهم تبقى بره----------ليه مارجعوش فى الميعاد
قربى لهم سهلى لهم---------اقطعى كل القيود
بره جوه روحنا واحدة-----وادى ملحة للحسود
مصر انتى الشرق كله-------مصر انتى الخلود
مصر انتى الخلود

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2017 - موقع الشعر