وفّني ديني

يستمد البدر نوره من جبينك
وتستمد الشمس من خدّك شفقها

والكواكب والمجرّه وسط عينك
شفتها وسبّحت بإسم اللّي خلقها

تسبي العشّاق واللّي ناظرينك
كم سبيت أرواح وأرواح اتعتقها

تخجل الأنظار من حسنك وزينك
يا منى العشّاق يا غاية عشقها

يا ضنيني ليش ما ترعى ضنينك
يرتجيك الوصل ودموعه دفقها

وفّني ديني وأنا أوفيك دينك
خذ حقوقك بعد نفسي هات حقها

لا تخلّي البعد يسرق من سنينك
كل لحظه غاليه منّك سرقها

لا تخاف الناس واللّي حاسدينك
والحواسد ما تبيّن لك حمقها

المودّه والهوى بيني وبينك
بالحشيمه يالغلا نسلك طرقها